khayal

ibteda-e-ishq hai rota hai kya
aage aage dekhiye hota hai kya

sabz hoti hi nahin ye sar zameen
tukhm-e-khwahish dil me tu bota hai kya

-Meer Taqi Meer

img source: flickr

khayal

kar raha tha gham-e-jahaan ka hisaab
aaj tum yaad be-hisaab aaye

is tarah apni khaamoshi goonji
goya har simt se jawaab aaye

-Faiz

img courtesy: flickr

talab

gham ki talab hai mujhko, jo tera intekhaab karte hain
shikast aur veerani ke siva, haasil kya khaak karte hain

koi dekhe to deewangi ki hadd bhi ae jaan-e-jahaan
na ummeed pe jeete hain, na bin dekhe marte hain

kab maanga hum ne aashiq-e-saadiq duaon me
hum to sangdil yaar ki naa-vaaqfiyat pe marte hain

sitam ki hadd ki bana kar ghum-gusaar humein
wo unke ishq ke fasaane ab roz bayaan karte hain

-Eternity

Vazaahat

ho nazaara poonam ki raat ka, misra Ghalib ke khayalaat ka
pighla sona ho mere jazbaat ka, ho armaan meri aab-e-hayaat ka

asar ho meri duaaon ka, ya pichchle janam ki vafaaon ka
dulhan ke chehre ka noor ho, dhoop ho neem-roz ke aftaab ka

iqteza-e-ishq ho, zulmat-e-shab-e-furqat ka chiraag ho
abyaaz-o-gulab ki nazafat ho, ho rooh tum hi is aalam-e-bisaat ka

maqdoor lafz zubaan me nahi, qaabil-e-tashbih kul kaaynaat nahi
vahaadat hai teri aisi, hun mai mahsood ahl-e-ushshaaq ka

-Eternity

keys: [vazaahat: description; neem-roz: mid day; iqteza: need; abyaaz: white; nazafat: purity; aalam-e-bisat: whole universe; maqdoor: capable; tashbih: description; vahadat: uniqueness; mahsood: envied; ushshaaq: lovers(plural)]

I am sure I would have committed great errors in urdu-usage here, please ignore the technicalities and great if you can point them to me.

laazim hai

laazim hai ki wo meri aankhon me nazar aaye
tod had-e-chashm kyun na ban ashk bhar aaye

kyun kar rakhun aatish-e-jazbaat yun pinhaa
dil to chahe abhi yahin kuch kar guzar jaaye

dillagi thi uski ye to khuda hi jaane
tha uski fitrat me shaamil, sab bisar jaaye

tere rukne ka aetbaar na tha kabhi, phir
aaj rona tere na hone pe kyun is kadar aaye

-Eternity

compromise

sukoon hai ki wo ab khwaabon me aa kar nahi sataate
ye aur baat hai ki ab humein khwaab hi nahi aate

-Eternity

kuch is dil ko beqarari hai

garm lauh pe uchchalti paani ki boond ho gaye,
chand pal tadpe aur fir yun hi dhuan ho gaye

bhatke umr bhar, deen duniya ke na ho sake
jal kar bane khaak aur fir garq-e-dariya ho gaye

Eternity

ignorance

kahan wo jaan kar karte hain,
bin jaane hi aazar bane hue hain
dum todti hui meri saanson ka,
aakhri intezaar bane hue hain

Eternity

thoughts

ye baat sach hai har us baat ki,
jo mere zehen me uthti hai
wo baat ya to teri ya meri hoti hai
par shayad hai bhi ye ek bharam hi,
meri har baat to tujhse hi aaghaz hoti hai

Eternity

aaftab na sahi

hum dhoond lenge ek maddham sa chiragh, jo raah dikha sake mere bhatke ehsaason ko
ae guroor-e-yaar jaa, tujh se hi to milti chaand ko chandni nahi

Eternity

jab talak ummeed ho

I give it up here. I am saying good bye to urdu, ghazals and shayari on my blogs till I get my inspiration back. The inspiration which I had once found in a smile, in a gesture, in few words...the inspiration that broke my inhibitions and made me come up with incorrect yet innocent writings at times. It has been a mystery to me and I had relished the charisma of that unknown and hidden driving force. But I find it worthless from here on.

chand aakhri lafz...

kiski saanson ki aanch, jala ke dil ko chali gayi
ye aahat dhadkanon ki, sata ke dil ko chali gayi..

chheen liya mujhse mai ko, tujhme tu na raha
vajood ko sifar, adhoora bana ke dil ko chali gayi..

aakhri ummeed-e-payaam tak tere muntazir baithe
teri khamoshi apne aaghosh me, duba ke dil ko chali gayi..

faaslon ke maare beemar-e-hijraan ko ab naa samjha
jab mauka tha, tab to keh ke alvida dil ko chali gayi..

Eternity

when there is no choice

ye durust ki aeb hai maikashi, ye bajaa ke baadah haram hai..
magar ab sawal ye aa pada hai..
ki tumhare haath me jaam hai