Ghalib zamana mujh ko mitaata hai kis liye,
Loh-e-jahaan pe harf-e-muqarrar nahin hoon main
-Ghalib
tumhe paane ki shart baghair chahna, ye bhi to ishq hai
tumhe na dekh ke bhi dekh paana, ye bhi to ishq hai
na izhaar ki zid rakhna, na iqraar sunne ki talab hona
tumhe sukoon se yaad karte rehna, ye bhi to ishq hai
kaun kehta hai bin mile ye ishq adhoora hai
na mil ke bhi tujh me kho jaana, ye bhi to ishq hai
wo ishq bhi kya jo ibaadat ki hadd tak na pahuche
tujhe rutba-e-Khuda karte jaana, ye hi to ishq hai
-Eternity
P.S. I have a feeling something is missing and wrong in the last couplet...
Khair...
shorish-e-deedar ne bezubaan kya kiya
lag gaya ilzaam ki humne unhe bhula diya
shikva chand aansuon ka lekar jo hum baithe
hans ke unhone sulagta hua dil dikha diya
tamaam bahaano se dil ko behlaya humne
muskura ke fir unhone chiragh-e-ummeed jala diya
Khuda hi jaane kis ki Khuda sunta hai
apni to har arz ko usne thukra diya
wo sakht zubaan se dil ko dukhaane chale the
unke ankahe lafzon ne lekin rula diya
-Eternity
tere vaade par jiye hum, to ye jaan jhooth jaanakhwaabon me hi mila kijiye, jahan aapki masroofiyat nahi hoti
aap khul ke muskuraate hain, zamaane bhar ki shikayat nahi hoti
jahan koi sawaal nahi karta, na maangte hain wajah har baat ki
nazar bhar dekhne ki khaatir, zaruri kisi ki ijaazat nahi hoti
dastoor humein baandhte nahi, na junoon pe bandish lagti hai
koi khuda-haafiz nahi kehta, jahan kabhi rukhsat nahi hoti
ishq ke kaayde nahi marqoom, ikraar pe na khauf-e-rusvaayi hai
waqt haathon se nahi chhoot-ta jahan, adhoori koi hasrat nahi hoti
kaash ye khwaab chale yun hi, aur na khule ye aankh kabhi
jaante hain hum, haqeeqat kabhi is kadar khoobsurat nahi hoti
-Eternity
raaz-e-ulfat chhupa ke dekh liya
dil bahut kuchh jala ke dekh liya
aur kyaa dekhne ko baaki hai
aap se dil laga ke dekh liya
aaj unki nazar me kuchh hamne
sabaki nazarein bacha ke dekh liya
aas us dar se tootati hi nahin
ja ke dekha, na ja ke dekh liya
'Faiz', taqmil-e-gham bhi ho na saki
ishq ko aazma ke dekh liya
-Faiz
ishq mujhko nahi vahashat hi sahi
meri vahashat teri shoharat hi sahi
[vahashat=madness; shoharat=fame]
kaata kije na ta'alluq ham se
kuchh nahi hai to adaavat hi sahi
ham bhi taslim kii khuu daalenge
beniyaazi teri aadat hi sahi
[taslim=greeting/salution; khuu=habit; beniyaazi=independence]
ham bhi dushman to nahi hai apne
ghair ko tujh se mohabbat hi sahi
ham koi tarq-e-vafaa karate hain
na sahi ishq musibat hi sahi
kuch to de ae falak-e-nainsaaf
aah o fariyaad ki rukhsat hi sahi
yaar se chhed chali jaaye Asad
gar nahi vasl to hasrat hi sahi
-Ghalib
un se jo kehne gaye the “Faiz” jaan sadqe kiyedint want to have an overdose of intense ghazals at this time of night but cant resist posting this one, yun laga ki haalat ko Ghalib ne pehle hi zubaan de rakhi hai-
koi ummeed bar nahi aati
koi soorat nazar nahi aati
maut ka ek din mu'ayyan hai
neend kyon raat bhar nahi aatee ?
aage aati thi haal-e-dil pe hansi
ab kisi baat par nahi aati
jaanta hoon sawaab-e-taa'at-o-zahad
par tabiyat idhar nahi aati
hai kuchch aisi hi baat jo chup hoon
warna kya baat kar nahi aati ?
kyon na cheekhon ki yaad karate hain
meri aawaaz gar nahi aati
daagh-e-dil gar nazar nahi aata
boo bhi 'ei chaaraagar ! nahi aati
[ chaaraagar = healer/doctor ]
ham wahaan hain jahaan se hamko bhi
kuchch hamaari khabar nahi aati
marte hain aarzoo mein marne ki
maut aatee hai par nahi aati
kaaba'a kis muh se jaaoge 'Ghalib'
sharm tumko magar nahi aati
meherbaan hoke bula lo mujhe chaaho jis waqt
main gaya waqt nahi hoon ke fir aa bhi na sakoon
zauf mein taana-e-aghayaar ka shikawa kya hai ?
baat kuchch sar to nahi hai ke utha bhi na sakoon
[ zauf = weakness, taana = taunt, aghayaar = enemy,
shikawa = complaint ]
zehar milta hi nahi mujhko sitamgar, warna
kya qasam hai tere milne ki, ke kha bhi na sakoon
-Ghalib
This one looks incomplete, a ghazal is supposed to have at least 5 ashaar. Also, the maqtaa is missing. Dont know if its deliberate or Ghalib never completed it or the web reference had something missing. But its as powerful with these 3 couplets.
Also, reminds me of a Jagjit Singh's ghazal, had some lines like 'hum koi waqt nahi hain humdum, jab bulaoge chale aayenge'.
aa, ki meri jaan ko qaraar nahi hai
taaqat-e-bedaad-e-intezaar nahi hai
[ qaraar = rest/repose, bedaad = injustice ]
dete hain jannat hayaat-e-dahar ke badle
nasha ba-andaaza-e-khumaar nahi hai
[ hayaat = life, dahar = world, ba_andaaza = according to,
khumaar = intoxication ]
giriya nikaale hai teri bazm se mujh ko
haay ! ki rone pe ikhtiyaar nahi hai
[ giriya = weeping, ikhtiyaar = control ]
hamse 'abas hai gumaan-e-ranjish-e-khaatir
khaak mein ushshaaq ki ghubaar nahi hai
[ 'abas = indifferent, gumaan = suspicion, ranjish = unpleasantness,
khak = ashes/dust, ushshaaq = lovers, ghubaar = clouds of dust ]
dil se uthaa lutf-e-jalva haay ma'anee
ghair-e-gul aainaa-e-bahaar nahi hai
[ ma'anee = meanings, ghair-e-gul = blossoms ]
qatl ka mere kiya hai 'ahad to baare
waae ! akhar 'ahad ustuwaar nahi hai
[ 'ahad = promise, baare = at last, ustuwaar = frim/determined ]
tune qasam maikashee ki khaayi hai 'Ghalib'
teri qasam ka kuchch aetbaar nahi hai !
[ maikashee = boozing, aetbaar = trust/faith ]
Details to follow in the poetry blog(hopefully soon)
gham ki talab hai mujhko, jo tera intekhaab karte hain
shikast aur veerani ke siva, haasil kya khaak karte hain
koi dekhe to deewangi ki hadd bhi ae jaan-e-jahaan
na ummeed pe jeete hain, na bin dekhe marte hain
kab maanga hum ne aashiq-e-saadiq duaon me
hum to sangdil yaar ki naa-vaaqfiyat pe marte hain
sitam ki hadd ki bana kar ghum-gusaar humein
wo unke ishq ke fasaane ab roz bayaan karte hain
-Eternity
Wo firaaq aur wo visaal kahaan
wo shab-o-roz-o-maah-o-saal kahaan
thi wo ek shaks ke tasavvur se
ab wo raanai-e-khayal kahaan
muzamahil ho gaye quvaa 'Ghalib'
wo anasir mein aitadaal kahaan
ho nazaara poonam ki raat ka, misra Ghalib ke khayalaat ka
pighla sona ho mere jazbaat ka, ho armaan meri aab-e-hayaat ka
asar ho meri duaaon ka, ya pichchle janam ki vafaaon ka
dulhan ke chehre ka noor ho, dhoop ho neem-roz ke aftaab ka
iqteza-e-ishq ho, zulmat-e-shab-e-furqat ka chiraag ho
abyaaz-o-gulab ki nazafat ho, ho rooh tum hi is aalam-e-bisaat ka
maqdoor lafz zubaan me nahi, qaabil-e-tashbih kul kaaynaat nahi
vahaadat hai teri aisi, hun mai mahsood ahl-e-ushshaaq ka
-Eternity
keys: [vazaahat: description; neem-roz: mid day; iqteza: need; abyaaz: white; nazafat: purity; aalam-e-bisat: whole universe; maqdoor: capable; tashbih: description; vahadat: uniqueness; mahsood: envied; ushshaaq: lovers(plural)]
I am sure I would have committed great errors in urdu-usage here, please ignore the technicalities and great if you can point them to me.
For those who are familiar with hindi/urdu songs, ghazals etc are well-versed with the usage of 'jigar' in typical love songs. I might be wrong but most of the people mistake it for 'heart' and those who know its english translation take it to be an exceptional usage in poetry.
"nazar ke saamne, jigar ke paas
koi rehta hai wo ho tum"
If we consider this chartbuster hit from Aashiqui, it would translate to 'you stay close to my gaze, close to my liver'. Now, I would not want my beloved to be close to my liver. So, what is the deal. The usage has become popular since the ancient times of urdu maestros who used the term for quite a different reference, which has nothing to do with gastric functionalities at all.
If I may quote from a web reference - "In ghazal physiology, the liver is the organ that makes fresh blood; thus it's an emblem of fortitude, steadfastness, endurance over time. The heart, by contrast is always consuming blood: bleeding constantly, pumping blood to the eyes so the lover can weep tears of blood, and then tearing itself into fragments as a sign of its proper lover-like self-destruction. For the heart to be done for is an initial state of passion, since more blood can be sent along from the liver. But when the liver is finished, the game is up."
Beautifully put by the author. I think that clarifies it nicely for all of us who keep wondering about usage of 'jaan-e-jigar' etc again and again.
Let the thought sink in with few ashaar-
"chak jigar ke see lete hain,
jaise bhi ho jee lete hain"
"aashiqui sabr talab aur tamanna betaab
dil ka kya rang karun, khoon-e-jigar hone tak"